نذر معصومہ قم صلوات اللہ علیہا

[Syed KamiL Abbas Jafri]

میں عقیدت کے سبزہ زار میں ہوں
یعنی حاضر ترے دیار میں ہوں

شکر صد شکر میں بھی مستغرق
تیری الفت کے آبشار میں ہوں

اللہ اللہ میرا عز و شرف
زیر قبہ ترے مزار میں ہوں

اب تو مجھ پہ کرم کرو بی بی
کب سے میں راہ اختبار میں ہوں

ماں کی آغوش کیسے یاد آئے
تیری شفقت کے جب حصار میں ہوں


مجھ کو نسبت ہے آپ سے بی بی
منزل فخر و افتخار میں ہوں

جب سے میرا ہوا جہاں میں ظہور
مستقل راہ انتظار میں ہوں